კავკასიური და აღმოსავლური ხალიჩების საუკეთესო კოლექცია

ჩვენი გალერეა 1995 წელს გაიხსნა ქალაქის ისტორიულ უბანში, სადაც XVIII–XIX საუკუნეებში აზიიდან მომავალი ქარავნები ჩერდებოდნენ. გალერეის ერთი ოთახი ადრე აქლემების სადგომს ემსახურებოდა, მეორე კი სავაჭრო დუქანი იყო, სადაც მოვაჭრეები ხალიჩებს ყიდდნენ და ყიდულობდნენ. ეს განწყობა დღემდე შენარჩუნებულია — სამასწლიანი შენობა ისევ ის ადგილია, სადაც სხვადასხვა ეროვნების ადამიანები ხვდებიან და ხალიჩებზე საუბრობენ.

ევრაზიის გზაჯვარედინზე მდებარე თბილისი საუკუნეების განმავლობაში მნიშვნელოვანი სავაჭრო ცენტრი იყო. აქ შემოდიოდა აზიიდან ხალიჩები და სხვა ძვირფასი ნივთები. საქართველოშიც იქსოვებოდა მაღალი ხარისხის ხალიჩები — განსაკუთრებით თუშეთში, კახეთში, ალვანსა და ახალციხეში.

ჩვენს გალერეაში წარმოდგენილია ძველი და ახალი ქართული, დაღესტნური, სომხური, აზერბაიჯანული, სპარსული, თურქული და ცენტრალური აზიის ხალიჩები.